गोठ बिछनी
नागार्जुन की कविता
MAITHILI POEMS
बीछि रहल छैं बंगोइठा तों
घूमि घामि कएँ बाध-बोनमे
पथिआ नेने भेल फिरई छैं
तिनू खूट, चारिओ कोनमे
मैल पुरान पचहथ्थी नूआ
सेहो फाटल चेफड़ी लागल
देहक रङ जमुनिआ, तइपर
मुँह माइक गोटीसँ दागल
 |
| गोठ बिछनी - यात्री (नागार्जुन) | Maithili Poems |
बगड़ा जेना लगाबाए खोंता
तेहने रुच्छ केस छउ तोहर
दू छर हारी मात्र गराँमे
केहने विचित्र भेस छउ तोहर
माघक ठार, रौद बैसाखक
तोरा लेखे बड़नी' धन सन
दीन बालिके अजगुत लागए
केहेन कठिन छउ तोहर जीवन
कने ठाढ़ी हो, सुन कहने जो
नाम की थिकउ, कतए रहइ छैं
बीतभरिक भए कोन बेगतें
एते कष्ट आ दुक्ख सहई छैं
नागार्जुन पर कुछ और हिंदी कवितायेँ
नागार्जुन की हिंदी कवितायेँ | Nagarjun Poems In Hindi
Maithili Poems By Nagaarjun
Link of this Poem
टिप्पणियाँ
एक टिप्पणी भेजें